Plakat Blúshátíðar 2015 eftir Jón Ingiberg Jónsteinsson
Plakat Blúshátíðar 2015 að venju eftir snillinginn Jón Ingiberg Jónsteinsson fleiri verk hans eru að finna á www.joningiberg.com . Hægt er að hlaða niður og prenta út og hengja upp sem víðast í vinnunni, kaffistofum, blússkýlum,Bátaskýlum, bílskúrnum, þvottahúsinu og þar sem ykkur dettur í huga að hjálpa til . Við gerum heiminn betri með blús.
Það stendur til að heiðra blúsmann/konu og gera að heiðursfélaga Blúsfélags Reykjavíkur fyrir framlag sitt til blústónlistar. Tilkynnt verður um valið við setningu Blúshátíðar í Reykjavík 2015 þann 28. mars næstkomandi.
Sendið tilnefningar á netfangið blues@blues.is merkt heiðursfélagi 2015.
Magnús Eiríksson var heiðraður 2004 , Björgvin Gíslason 2005 , Andrea Gylfadóttir 2006. Krístján Kristjánsson 2007, Ásgeir Óskarsson 2008, Pinetop Perkins 2009, Deitra Farr 2010, Guðmundur Pétursson 2011 og Pétur Tyrfingsson 2012. Halldór Bragason 2013. Jón Ólafsson 2014.
Jón Ólafsson var valinn heiðursfélagi Blúsfélags Reykjavikur 2014
Blúshátíð í Reykjavík 2015 28. mars – 2. apríl.
Blúshátíð í Reykjavík hefst laugardaginn 28. apríl, með Blúsdegi í miðborginni á Skólavörðustíg grillað svínarif, bacon ,pylsurog uppákomum kl. 14 – 17. Böskað á stígnum
Hátíðin er helguð 100 ára fæðingarafmæli Muddy Waters og Wille Dixon.
Aðalgestir hátíðarinnar eru:
• Bob Margolin, blúsgítarleikari ársins 2005 og 2008.
• Debbie Davis, blúsgítarleikari ársins 1997 og 2010.
• Bob Stroger, bassaleikari ársins 2011 og 2013.
• KK band, Björgvin Gíslason, Vintage Caravan Blue Ice Band og fjöldi annarra tónlistarmanna.
Þrennir stórtónleikar Blúshátíðar verða á Hilton Reykjavík Nordica í dymbilvikunni, þriðjudags-, miðvikudags- og fimmtudagskvöld (skírdagskvöld).
Dúndrandi stemning á Klúbbi Blúshátíðar á hótelinu eftir alla stórtónleika. Þar getur allt gerst og stundum varir stuðið langt fram eftir nóttu.
Þriðjudaginn 31. mars kl. 20 – Hilton Reykjavík Nordica
KK band. Íslendingar elska KK band sem spilar blúsinn á sinn einstaka hátt. Þeir lofa sínu allra besta á Blúshátíð 2015.
Blúsband Björgvins Gíslasonar. Gítargoðið Björgvin Gíslason fer fyrir flokki eintómra snillinga. Það má enginn missa af þessu.
Blúsaðasta bandið. Á tónleikunum kemur einnig fram Blúsaðasta band Músíktilrauna 2015.
Miðvikudaginn 1. apríl kl. 20 – Hilton Reykjavík Nordica
Bob Margolin, Bob Stroger og Blue Ice band. Á 100 ára fæðingarhátíð Muddy Waters spila Bob Margolin, gítarleikari Muddy Waters, fyrir gesti Blúshátíðar í. Margolin er margverðlaunaður tónlistarmaður sem hefur haft mikil áhrif á Chicaco-blúsinn síðustu áratugina. Bob Stroger er hugsanlega besti bassaleikari blússögunnar en örugglega sá smekklegasti, bæði hvað varðar klæðaburð og spilamennsku. Þessi aldna hetja sem spilað hefur með flestum þekkustu blústónlistarmönnum síðustu áratuga var tilnefndur besti blúsbassaleikari áranna 2011 og 2013. Snillingarnir í Blue Ice Band spila með Margolin og Stroger.
Á tónleikunum kemur einnig fram úrval Íslenskra blúsmanna.
Fimmtudaginn 2. apríl, skírdag kl. 20 – Hilton Reykjavík Nordica
Debbie Davis er einhver áhrifamesta kona blústónlistarinnar undanfarna áratugi. Hún er margverðlaunaður gítarleikari sem jöfnum höndum kemur fram með eigin hljómsveit eða heimsþekktum blústónlistarmönnum. Strákarnir í Blue Ice Band spila með Debbie Davis.
Vintage Caravan gerðu allt vitlaust þegar þeir komu fram á Blúshátíð hér um árið. Síðan þá hafa þeir spilað víða um lönd og mæta nú á Blúshátíð reynslumeiri og enn betri.
Á tónleikunum kemur einnig fram úrval Íslenskra blúsmanna.
Blúsmiðinn
Blúsmiðinn veitir aðgang að öllum þremur stórtónleikunum á Hilton Reykjavík Nordica. Takmarkað magn Blúsmiða er í boði.
Urmull óvæntra atriða alla hátíðadagana. Nánar á www.blues.is
http://www.corbydesigns.com/bobstroger/home.htm
Eins og undanfarin ár aðeins er tekin frá sæti fyrir matargesti VOX. Veitingahúsið VOX á Hilton Reykjavík Nordica ætlar að bjóða uppá sérstakan matseðil í tilefni Blúshátiðar.Matargestir VOX fá frátekin borð á tónleikunum kl 20 um kvöldið.VOX restaurant / bistro – Hilton Reykjavik Nordica – Suðurlandsbraut 2
Sími: 444 5050 – vox@vox.is
http://www.vox.is/
Fleiri atriði eiga eftir að bætast við
Hátíðin er styrkt af Reykjavíkurborg
Hér er Bob Marglin með Muddy Waters
Umsókn um tónleikahald á Blúshátíð í Reykjavík 28. mars. – 2. apríl 2015.
Það er stefna Blúshátíðar í Reykjavík að gefa sem flestum, gömlum jafnt sem ungum og efnilegum sveitum, körlum og konum, tækifæri á að spila á Blúshátíð.
Um er að ræða spilamennsku á Klúbbi Blúshátíðar 31.3 – 2.4, Blúsdegi í miðbænum 28.3. og á aðalsviði Blúshátíðar á stórtónleikunum á Hilton Nordica.
Blúshátíð afgreiðir umsóknir með hagsmuni hátíðarinnar í huga, bæði hvað varðar spilastað og tíma.
Vinsamlega takið fram í umsókninn hvort listamaðurinn eða hljómsveitin spilar á höfuðborgarsvæðinu mánuð fyrir hátíðina eða frá 1. mars 2015.
Umsækjendur fylli út þetta eyðublað og senda á netfangið bluesfest@blues.is merkt umsókn. Sendið umsókn sem fyrst, ef áhugi er fyrir hendi, en eigi síðar en 20 febrúar n.k. en þá rennur umsóknarfrestur út.
Látið „æviágrip“ sveita eða flytjanda fylgja með umsókninni og stutta lýsingu á sveitinni/flytjandanum. Það er kostur ef myndir og fjölmiðlaefni fylgja með.
Forsvarsmaður:
Fullt heimilisfang:
Heimasími:
GSM sími:
Kennitala:
Netfang:
Lýsing á dagskrá, „æviágrip“sveitar/flytjanda
Flytjendur: (nöfn, hljóðfæri kennitala)
Samfélagslega ábyrgt Blúskvöld á Rósenberg 2. febrúar kl 21
Blús til styrktar Ísland-Nepal sem standa að rekstri og skipulagningu barnaheimilsins Blessing Child Welfare Home.
Katanes Sigurður Sigurðsson og félagar, Strákarnir hans Sævars, Dóri Braga , Róbert Þórhalls , og fl.
Hinir árlegu styrktartónleikar Blúsfélags Reykjavíkur verða haldnir á Rósenberg mánudagskvöldið 2. febrúar næstkomandi.
Á tónleikunum, sem hefjast stundvíslega kl. 21.00, koma fram landsþekktir tónlistarmenn jafnt sem óþekktir en efnilegir blúsarar. Allur ágóði af tónleikunum rennur til Ísland-Nepal heimili í Nepal
Kæru Blúsarar
Við í Iceland-Nepal styðjum barnaheimili í Nepal.
Við samanstöndum nú af rúmlega 20 stuðningsfjölskyldum en stefnum að því að verða 41. Stuðningasfjölskyldur fá aðgang að lokaðri facebook grúppu þar sem reikningshald, fréttir og myndir af starfssemi heimilisins er birt.
Með hliðsjón af Barnasáttmála S.Þ. birtum við ekki myndir eða gögn um börnin almennt á netinu en höfum fengið leifi Nepalskra barnaverndayfirvalda til þess að gera það í þröngum hóp.
Stuðningsfjölskyldur fá senda valkröfu í heimabanka sinn frá skráðu félagasamtökunum Iceland-Nepal uppá kr. 5000 mánaðarlega.
Þessir peningar fara allir til Nepal og eru notaðir í húsaleigu, mat, skólagjöld, lækniskostnað og fleira. Fyrir um það bil þremur árum fóru fyrstu Íslendingarnir á heimilið og við erum nú sjö sem höfum farið í heimsókn til þeirra.
Hjónin Bal og Sharmila búa á heimilinu. Þau eru ósköp venjulegt sveitafólk sem eru fyrir tilviljun í þessari aðstöðu og standa sig stórkostlega.
Þau eiga tvö lítil börn sjálf og önnur ellefu búa á heimilinu. Börnin koma öll úr aðstæðum þar sem skólaganga og regluleg læknisþjónusta var útilokuð. Þökk sé stuðningsfjöskyldunum eru þau öll í skóla, búa við öryggi, fá próteinríka fæðu, skó og fatnað.
Rekstur heimilisins er langtímaverkefni en núna langar okkur til þess að koma tölvum og interneti á heimilið. Það mun veita börninum ómetanlegan styrk í framtíðina og auðvelda þeim áframhaldandi skólagöngu. Öll viðbótarframlög fara nú í þetta verkefni og er stuðningur ykkar bluesara innilega velkominn.
Endilega lækið við síðuna okkar til þess að fá fréttir af rekstrinum á:https://www.facebook.com/events/794164070620271/
https://www.facebook.com/pages/Iceland-Nepal/637554842967031?fref=ts
Vinir Dóra enda 25 ára afmælisárið með Jólablús á Rúbín 18. des kl 21.00
Jólablús Vina Dóra hefur notið mikilla vinsælda árum saman, skemmtilegur og allt öðru vísi en aðrir viðburðir á þessum árstíma. Jólablúsinn er kærleiksboðskapur og gleðistund sem enginn vill missa af.
Miðaverð á tónleika er 2800.
Matur og tónleikar 5500 kr gerist ekki betra ! það verður að panta fyrirfram matinn. Hamborgarahryggur, roastbeef, laxarós ásamt meðlæti 2.700kr
Rúbín taka líka frá borð fyrir matargesti. Flugvallarvegi 101 Reykjavík. Sími: 578 5300. rubin@rubin.is Agnar 617-1111.
Matur er á 2700 kr. húsið opnar kl 19
Jólablúsgjörningurinn er einstakt tækifæri til að hvíla sig á veraldlegu amstri aðventunnar. Við sem stöndum að starfseminni sem blús tengist, leggjum áherslu á að blúsinn miðlar friði, samkennd og skilningi á lífi og örlögum mannsins. Blúsinn er öflugt vopn gegn kynþáttahatri og skapar andrúmsloft mannkærleika hvar sem hann heyrist. Hann er einlægur og hittir í hjartastað þeirra sem við hlustir leggja.
Vinirnir eru: Halldór Bragason gítarleikari og söngvari, Guðmundur Pétursson gítarleikari, Ásgeir Óskarsson trommuleikari og Jón Ólafsson bassaleikari. Hljóð Jón Skuggi.
Tökum vini með sem ekki hafa komið áður á blúskvöld enda erum við skemmtilegasta fólkið í bænum.
Kveðja
Blúsfélag Reykjavíkur
Blúskvöld Blúsfélags Reykjavíkur mánudaginn 3. nóv á Rósenberg.kl 21 Afmælis blúsdjamm helstu blúsarar landsins mæta og taka lagið þetta verður að venju rosalegt kvöld.
Ný súpergrúppa Blue Wild Angels kemur fram í fyrsta skipti Óskar Logi úr Vintage Caravan gítar söngur, Ásgeir Óskarsson trommur söngur, Halldór Bragason gítar söngur , Sigurður Sigurðsson söngur munnharpa. Róbert Þórhallsson bassi.
Kveinstafir
Björg Amalía Ívarsdóttir söngur Samúel Ingi Þórarinsson gítar Jóhann Héðinsson bassi, Hansi Högna gítar/guitar Ögmundur Einarsson trommur/drums Matthías Ægisson píanó/gítar-piano/guitar
Jón Ingiberg Jónsteinsson aka Jón frændi eða Uncle John jr. hann gaf nýlega út plötuna all the way to Santa Fe.
Afmæliskvöld allir listamenn gefa vinnu sína til reksturs á vef Blúsfélagsins Blues.is og annara verkefna.
Kristján Kristjánsson eða KK á gítar og syngur hann einnig, Þorleifur Guðjónsson bassaleikari og Kormákur Geirharðsson trommuleikari.
Það eru rúm 20 ár síðan bandið var stofnað og fyrsta platan þeirra, Bein leið, kom út. Sú plata fór í tvöfalda platínu sem þýðir að yfir 20.000 plötur hafa selst.
Blúskvöld Blúsfélags Reykjavíkur verða fyrsta mánudaginn í hverjum mánuði á Kaffi Rósenberg veturinn 2014-2015
Jón Ingiberg Jónsteinsson meðlimur Blúsfélags Reykjavíkur gefur út sína fyrstu sólóplötu undir nafninu Uncle John jr. Hann hefur hannað veggspjald Blúshátíðar í Reykjavík síðan 2005.
Platan, All the Way to Santa Fe, fæst í Smekkleysu á Laugavegi og í Lucky Records á Rauðarárstíg. Hér er hægt að hlusta á hljóðdæmi og skoða myndbönd: www.unclejohnjr.com
Þökkum öllum fyrir komuna og þeim sem lagt hafa okkur lið.
á midi.is