Róbert Þórhallsson er heiðursfélagi Blúsfélags Reykjavíkur 2019

Posted on by

Róbert Þórhallsson er heiðursfélagi Blúsfélags Reykjavíkur 2019

Bassaleikarinn Róbert Þórhallsson var útnefndur heiðursfélagi Blúsfélags Reykjavíkur við setningu Blúshátíðar í dag, laugardaginn 13. apríl.
Róbert er einn af okkar allra bestu og eftirsóttustu rafbassaleikurum. Hann hefur verið órjúfanlegur hluti íslenska blússamfélagsins um árabil og hefur meðal annars spilað með húsbandinu, Blue Ice Band, á hverri einustu Blúshátíð frá árinu 2006. Þar hefur hann spilað með öllum erlendu stórstjörnunum sem hafa komið fram á hátíðinni og stjórnað samspilinu af smekkvísi og fagmennsku.
Róbert Þórhallsson er sprenglærður tónlistarmaður. Hann byrjaði ungur að blása í trompet í tónlistarskóla Húsavíkur en skipti yfir í bassann 15 ára gamall. Hann brautskráðist frá Tónlistarskóla FÍH árið 1997. Haustið 1998 hóf Róbert nám í Conservatorium van Amsterdam þar lauk hann kennaranámi og marstesnámi í bassaleik. Hann brautskráðist þaðan vorið 2003 með láði, fyrstur nemanda í Jass- og hryndeild skólans.

Róbert Þórhallsson er verðugur heiðursfélagi Blúsfélags Reykjavíkur.

Sjálfboðaliðar Blúshátíðar. Það vantar alltaf fleiri blúshendur við gerum heiminn betri með blús. Vertu með í liðinu á Blúshátíð í Reykjavík 2019

Posted on by

Sjálfboðaliðar Blúshátíðar. Það vantar alltaf fleiri blúshendur. Við gerum heiminn betri með blús. Vertu með í liðinu á Blúshátíð í Reykjavík 2019 . Hér tökum við á móti skráningum frá þeim sem vilja leggja sitt af mörkum til hátíðarinnar með því að gerast sjálfboðaliðar.

Sjálfboðaliðar Blúshátíðar eru margir og sinna alls konar afar skemmtilegum störfum.Öllum sem lagt hafa okkur lið eru færðar hjartans þakkir fyrir óeigingjarnt framlag og fórnfúst starf á undanförnum árum. Það vantar alltaf fleiri blúshendur! Jákvæðni ,bjartsýni, gaman er fyrir vini eða vinkonur að koma saman í þetta.

Sendið okkur línu á bluesfest@blues.is og við verðum í bandi

Nafn:

Aldur:

Netfang:

Sími:

Um mig:

Blúsgetraun Borgarbókasafns og Blúshátíðar í Reykjavík 2019

Posted on by

 

Blúsgetraun Borgarbókasafns og Blúshátíðar í Reykjavík 2019

Í verðlaun er blúsmiði fyrir tvo á alla stórtónleika Blúshátíðar í Reykjavík

 

Spurt er um gítarleikara.

Í ár bætist Grammyverðlaunahafinn Joe Louis Walker í  hóp þeirra gítarjöfra sem heillað hafa unnendur Blúshátíðar með tilfinningaríkum gítarleik í bland við fingrafimi.

Hér koma nokkrir gítarsnillingar sem allir utan einn hafa spilað á Blúshátíð í Reykjavík.

Hakið við nafn þess eina gítarleikara sem aldrei hefur komið fram á hátíðinni.

  • Guitar Shorty
  • Larry McCray
  • Magic Slim
  • Noah Wotherspoon
  • Peter Green

.

Svarið er hægt að senda í tölvupósti á sigurdur.vigfusson@reykjavik.is, eða skila því í sérstakan blúskassa sem liggur frammi í Borgarbókasafninu Grófinni.

Dregið verður úr réttum lausnum laugardaginn 13. apríl á tónleikum Halldórs Bragasonar í hópi valinkunnra blúsara. Tónleikarnir hefjast kl. 16:00 á Bókatorgi Borgarbókasafnsins í Grófinni.

Munið að bara þeir sem verða á staðnum þegar dregið er eiga möguleika á vinningnum.

Blúshátíð í Reykjavík 2019

Posted on by

Miðasala á midi.is

Hægt er að kaupa á stök kvöld eða Blúsmiðann sem gildir á öll kvöldin. Takmarkað magn Blúsmiða er í sölu. Miðasala á midi.is


Þriðjudagur 16. apríl Stórtónleikar á Hilton Reykjavik Nordica kl 20.00

Blúshátíð byrjar með látum í ár. Á svið stígur Emil Arvidsson, sem margir telja einn besta blúsara Norðurlandanna. Blúsáhugafólk þekkir hann sem leiðtoga hljómsveitarinnar Emil & The Ecstatics en hér spilar með Erik Qvick vini sínum, Þorgrími Jónssyni og Vigni Stefánssyni sem sannarlega kann að hræra í Hammondorgelinu. Gestir hátíðarinnar eiga sannarlega von á góðu.Fyrir hlé verða snillingarnir okkar, þeir Davíð Þór Jónsson, Guðmundur Pétursson og Þorleifur Gaukur Davíðsson með heilmikinn blúsbræðing sem þeir kalla Fantasy Overture. Nýkrýnt blúsaðasta band Músíktilrauna 2019 byrjar kvöldið með látum og sýnir bæði og sannar að blúsinn lifir góðu lífi hjá ungliðunum.


Miðvikudagur 17. apríl Stórtónleikar á Hilton Reykjavik Nordica kl 20.00.

Eftir margra ára tilraunir tókst Blúshátíð loksins að fá goðsögnin Joe Louis Walker til landsins. Það er mikill fengur að komu hans enda er Joe Louis Walker í hópi allra virtustu blústónlistarmanna samtímans og eftirsóttur á blúshátíðum um allan heim. Hann hlakkar til að koma til landsins og spila með strákunum í Blue Ice Band. Joe Louis Walker hefur hlotið Grammy verðlaun og í fjórgang hefur hann fengið Blues Music Award, eftirsóttustu verðlaun blúsheimsins.Fyrir hlé bjóða Strákarnir hans Sævars upp á kraftmikla blúsveislu þar sem rokkskotinn blús veður í hávegum hafður.


Fimmtudagur 18. Apríl skírdagur Stórtónleikar á Hilton Reykjavik Nordica kl 20.00.

Á lokakvöldi Blúshátíðar halda Vinir Dóra upp á 30 ára starfsafmæli sitt með sannkallaðri blúsveislu. Þeir Halldór Bragason, Guðmundur Pétursson, Jón Ólafsson og Ásgeir Óskarsson bjóða fjölda gesta á svið. Þar má nefna Andreu Gylfadóttur, Davíð Þór Jónsson, Þorleif Gaukur Davíðsson, Rubin Pollock, Pétur Tyrfingsson. Þetta partý verður seint toppað! Fyrir hlé leika GGblús Guðmundur Jónsson, Guðmundur Gunnlaugsson. Uncle John Jr. byrjar kvöldið.


Klúbbur Blúshátíðar verður opinn á Hilton Reykjavík Nordica eftir alla tónleikana og þar gerast undur og stórmerki þegar reynsluboltar, ungliðar og heimsfrægir leynigestir galdra fram blús af allra bestu gerð.

Eins og undanfarin ár aðeins er tekin frá sæti fyrir matargesti VOX. Veitingahúsið VOX á Hilton Reykjavík Nordica ætlar að bjóða uppá sérstakan matseðil í tilefni Blúshátiðar. Matargestir VOX fá frátekin sæti á tónleikunum kl 20 um kvöldið. VOX restaurant / bistro – Hilton Reykjavik Nordica – Suðurlandsbraut 2 Sími: 444 5050 – vox@vox.ishttp://www.vox.is/


Blúshátíð í Reykjavík 2019 hefst laugardaginn 13. apríl með Blúsdegi í miðborginni þar sem Blúshátíðin leggur Skólavörðustíginn undir sig. Lúðrasveitin Svanur leika nokkur lög og Krúser klúbburinn með bílasýningu Við setningu hátíðarinnar verður tilkynnt um val á heiðursfélaga Blúsfélags Reykjavíkur 2019. Boðið verður upp á lifandi blús á Skólavörðustígnum frá klukkan 14.00 Kveikt verður upp í grillunum og boðið upp á kjúklingavængi og fleira.
Tónleikar á Borgarbókasafni kl. 16.00.

Hátíðin er styrkt af Reykjavíkurborg

 

Kærar þakkir fyrir komuna á Blúshátíð í Reykjavík 2018. Þakkir til allra sem hafa lagt okkur lið.

Posted on by

Kærar þakkir fyrir komuna á Blúshátíð í Reykjavík 2018. Munið að taka frá dagana á næsta ári.  Blúshátíð í Reykjavík 13.-18. apríl 2019. Þakkir til allra sem hafa lagt okkur lið.

Blues_2018_poster_web

logosupa

Veislan á Hilton Reykjavík Nordica byrjar á þriðjudaginn tryggðu þér miða.

Posted on by

Blues_2018_poster_web

Veislan á Hilton Reykjavík Nordica byrjar á þriðjudaginn tryggðu þér miða.

Miðasala er á midi.is og við innganginn á Hilton Reykjavík Nordica frá kl 19 tónleikadagana. Hægt er að kaupa á stök kvöld eða kaupa blúsmiðann sem gildir á öll kvöldin.

Kaupa miða hér https://midi.is/tonleikar/1/10385/Blushatid_2018

Að vanda verða þrennir stórtónleikar á Hilton Reykjavík Nordica dymbilviku, þriðjudags- miðvikudags og fimmtudagskvöld. Það verður dúndrandi stemning á Klúbbi Blúshátíðar á hótelinu eftir alla stórtónleikanna. Þar getur allt gerst.

Hilton Reykjavík Nordica
Þriðjudagur 20:00
Laura Chavez og Ina Forsman – Beggi Smári og Nick Jameson – Blúsaðasta band Músíktilrauna

Hilton Reykjavík Nordica
Miðvikudagur 20:00
Larry McCray og The Blue Ice band – Langi Seli og Skuggarnir – Lúðrasveitin Svanur

Hilton Reykjavík Nordica
Fimmtudagur 20:00

Lokakvöld. Íslenskur blús í hæsta gæðaflokki.

Á skírdagskvöld verður boðið upp á íslenska blúsveislu sem getur ekki klikkað. Fyrir hlé leiðir Tryggvi Hübner hljómsveit þar sem Haraldur Þorsteinsson er á bassa, Ásgeir Óskarsson á trommum og Magnús Jóhann á hljómborð. Flestir þeirra voru í hljómsveitinn EIK og nokkur lög þessarar goðsagnakenndu hljómsveitar munu heyrast á hátíðinni.

Eftir hlé bætast fleiri stjörnur í hópinn; Björgvin Gíslason, Sigurður Sigurðsson, Davíð Þór Jónsson, Guðmundur Pétursson, Óskar Logi, Stefanía Svavarsdóttir, Halldór Bragason, Róbert Þórhallsson og fleiri og fleiri. Á sviðinu verður rjóminn af íslenskum blústónlistarmönnum sem bjóða upp á blús af bestu sort. Þetta verður ekki betra!

Klúbbur Blúshátíðar verður opinn á Hilton Reykjavík Nordica eftir alla tónleikana og þar gerast undur og stórmerki. Reynsluboltar, ungliðar og frægir leynigestir hræra saman   þjóðlegum íslenskum blús, Mississippi blús, rokki og öðrum skemmtilegheitum fyrir lífsglaða nátthrafna.

logosupa

Tryggvi Hübner er heiðursfélagi Blúsfélags Reykjavíkur 2018

Posted on by

Tryggvi Hübner er heiðursfélagi Blúsfélags Reykjavíkur 2018

Gítarleikarinn Tryggvi Hübner var útnefndur heiðursfélagið Blúsfélags Reykjavíkur við setningu Blúshátíðar í dag, laugardaginn 24. mars.

29542054_10155075554506353_7005095691199231419_n

Tryggvi hefur um árabil verið ein af burðarstoðunum í íslenskri blústónlist og leiðandi í íslensku tónlistarlífi bæði sem eftirsóttur gítarleikari og virtur gítarkennari.

Með hljómsveita sem Tryggvi hefur spilað með með má nefna Cabaret, Deildarbungubræður, EIK, Stofnþel og Súld.

Tryggvi hefur komið við sögu á u.þ.b. 200 hljómplötum með fjölbreyttri tónlist. Þar má nefna, nefna plötur með Sinfóníuhljómsveit Íslands, Áhöfninni á Halastjörnunni, EIK, Mary Poppins og Súld, og plötur söngvara á borð við Bubba, Megas, Rúnar Júlíusson, Björgvin Halldórsson og Fabulu.

Tryggvi hefur samið u.þ.b. 25 lög sem hafa verið gefin út á íslenskum hljómplötum og af sólóplötu hans Betri ferð sem kom út 1995 hafa tvö lög verið gefin út í 47 löndum af útgáfufyrirtækinu Parry/Promusic í USA.

Tryggvi hóf nám í fiðluleik við Tónlistarskóla Kópavogs árið 1963, þá 6 ára en árið 1969 hóf hann nám í gítarleik og hefur ekki lagt það hljóðfæri frá sér síðan.

Tryggvi stofnaði Gítarskóla Íslands ásamt Torfa Ólafssyni árið 1993

 

Blúshátíð í Reykjavík 2018 verður sett með blússkrúðgöngu frá Leifsstyttu og niður Skólavörðustíginn kl 14 laugardaginn 24. mars.

Posted on by

Blúshátíð í Reykjavík 2018 verður sett með blússkrúðgöngu frá Leifsstyttu og niður Skólavörðustíginn kl 14 laugardaginn 24. mars.

 Blúshátíð í Reykjavík hefst laugardaginn 24. mars með Blúsdegi í miðborginni þar sem  Blúshátíðin leggur Skólavörðustíginn undir sig. Skrúðganga frá Leifsstyttu kl 14 Lúðrasveitin Svanur og bílalest fagna vorinu.

Við setningu hátíðarinnar verður tilkynnt um val á heiðursfélaga Blúsfélags Reykjavíkur 2018. Boðið verður upp á lifandi blús á Skólavörðustígnum frá klukkan 14.00  Kveikt verður upp í grillunum og boðið upp á kjúklingavængi og fleira.

Tónleikar á Borgarbókasafni kl. 16.00.

Á Blúshátíð í Reykjavík 2018 verða þrennir stórtónleikar á Hilton Reykjavík Nordica í dymbilviku, á þriðjudags- miðvikudags- og fimmtudagskvöld: Klúbbur Blúshátíðar verður opinn á Hilton Reykjavík Nordica eftir alla tónleikana og þar gerast undur og stórmerki.

Miðasala er á midi.is hægt er að kaupa á stök kvöld eða Blúsmiða sem gildir á öll kvöldin.Miðasala við innganginn frá kl.19 tónleikadagana en þá opnar húsið.

Stórtónleikar þriðjudaginn 27. mars kl. 20.00. Laura Chavez og Ina Forsman – Beggi Smári og Nick Jameson – Blúsaðasta band Músíktilrauna.

Klúbbur Blúshátíðar verður opinn á Hilton Reykjavík Nordica eftir tónleikana.

Stórtónleikar miðvikudaginn 28. mars kl. 20.00. Larry McCray og The Blue Ice band – Langi Seli og Skuggarnir – Lúðrasveitin Svanur Klúbbur Blúshátíðar verður opinn á Hilton Reykjavík Nordica eftir tónleikana.

Stórtónleikar fimmtudaginn, 29. mars, kl. 20.00.Íslenskur blús í hæsta gæðaflokki. LokakvöldÁ skírdagskvöld verður boðið upp á íslenska blúsveislu sem getur ekki klikkað. Fyrir hlé leiðir Tryggvi Hübner hljómsveit þar sem Berglind Björk syngur, Haraldur Þorsteinsson er á bassa, Ásgeir Óskarsson á trommum og Magnús Jóhann á hljómborð. Flestir þeirra voru í hljómsveitinn EIK og nokkur lög þessarar goðsagnakenndu hljómsveitar munu heyrast á hátíðinni.

Björgvin Gíslason, Sigurður Sigurðsson, Davíð Þór Jónsson, Guðmundur Pétursson, Óskar Logi, Stefanía Svavarsdóttir, Halldór Bragason, Róbert Þórhallsson og fleiri og fleiri.

Klúbbur Blúshátíðar verður opinn á Hilton Reykjavík Nordica eftir tónleikana.

Blues_2018_poster_web

Blúshátíð klikkar ekki!

Posted on by

Blues2018-facebook-timeline

Blúshátíð klikkar ekki!

midilogo

Kaupa miða 

Á Blúshátíð í Reykjavík verða þrennir stórtónleikar með tónlistarmönnum á heimsmælikvarða.

Blúshátíð býður upp á Larry McCray sem hefur verið valinn besti blúsleikari Bandaríkjanna, hina kraftmiklu Lauru Chavez  sem er einn besti blúsgítarleikari samtímans og söngkonuna Inu Forsman sem vakið hefur eftirtekt og aðdáun fyrir túlkun og kraftmikla rödd.

Einnig sýna bestu blúsmenn landsins sitt allra besta á hátíðinni og klúbburinn verður opinn fram eftir morgni.

Blúsmiðinn sem veitir aðgang að öllum þrennum tónleikunum kostar einungis 11.990 krónur. Á staka tónleika kostar aðeins 5.490.