Blúskvöld Blúsfélags Reykvíkur verður mánudaginn 4. feb á Kaffi Rosenberg samfélagslega ábyrgt kvöld við söfnum fyrir hljóðfærum handa einhverfum. Styrktarfélagið Ás sér um þjónustu fyrir einhverfa. Við þekkjum öll einhvern sem glímir við þetta og viljum leggja þessu lið. Blússveit Jonna Ólafs, Skúli Mennski og co, Halldór Bragason, Gaukur og Siggi Sig með munnhörpudúett, Dirty Deal Blues band, Brimlar,Lame Dudes og fl.
Björgvin Gíslason – gítar / rödd
Ásgeir Óskarsson – trommur
Haraldur Þorsteinsson – bassi
Sigurður Sigurðsson – munnharpa/rödd
Tómas Jónsson – hljómborð
Þarna eru tveir heiðursfélagar okkar innanborðs þeir Bjöggi Gísla og Geiri Óskars.
Blúsþrjótar
Gestur Pálmason – trommur
Guðmundur Pálsson – bassi og söngur
Jón Kr. Arnarson – gítar
Kristinn Ólafson yfirþrjótur – munnharpa og söngur.
Örn Arnarson – Gítar og söngur
Our monthly Blues Night at Rosenberg
Bjöggi Gísla hefur í áratugi mundað gítarinn með vinsælum hljómsveitum, listamönnum og sem sólólistamaður. Björgvin er talinn með betri gítarleikurum sem Ísland hefur alið af sér og hefur blúsinn verið fyrirferðamikill á ferlinum.
http://
Vinir Dóra Jólablúsgjörningur föstudaginn 21. Desember kl. 21 á Rúbín
Vinirnir eru: Halldór Bragason gítarleikari og söngvari, Guðmundur Pétursson gítarleikari, Ásgeir Óskarsson trommuleikari og Jón Ólafsson bassaleikari. Hljóð Jón Skuggi
Óvæntir leynigestir ganga úr björgum.
Rúbín er með veitingar, mat og drykk. Rúbín taka líka frá borð fyrir matargesti og bjóða uppá kabarettdisk sem þarf að panta. Flugvallarvegi 101 Reykjavík. Sími: 578 5300.
Vinir Dóra hafa verið í fararbroddi blúsgjörninga frá því þeir hituðu upp fyrir John Mayall árið 1989 og hafa haldið hundruð tónleika, boðið upp á blús eins og hann gerist bestur. Guðmundur Pétursson er einn besti gítarleikari á Íslandi og það er hrein unun að heyra hann í því sem hann er bestur; að spila blús með Vinunum. Vinir Dóra hljóðrituðu disk með blúsgoðsögninni Pinetop Perkins 1993, en hann fékk í fyrra Grammy verðlaun fyrir framlag sitt til tónlistar, „Lifetime Achievement Award“. Pinetop er guðfaðir Vina Dóra í blúsnum.
Dóri Braga er líklegast þekktasti blúsmaður Íslands í dag. Hann hefur starfrækt hljómsveit sína, Vini Dóra frá 1989 ásamt því að leika á tónlistarhátíðum beggja vegna Atlantshafsins. Hann hefur verið í fararbroddi blústónlistar á Íslandi frá 1989 og haldið hundruð tónleika og spilað blús eins og hann gerist bestur. Halldór Bragson er listrænn stjórnandi Blúshátíðar í Reykjavík og formaður Blúsfélags Reykjavíkur. Árið 2006 lék hann í boði Zoru Young á Blúshátíðinni í Chicago sem er stærsta og virtasta blúshátíð heims. Vinir Dóra hljóðrituðu disk með blúsgoðsögninni Pinetop Perkins 1993, en hann fékk Grammy verðlaun árið 2006 fyrir framlag sitt til tónlistarinnar, „Lifetime Achievement Award“. Pinetop er guðfaðir Dóra í blúsnum og kom á Blúshátíð í Reykjavík 2009 og spilaði með Dóra og sínum gömlu félögum ásamt félaga sínum úr Muddy Waters bandinu, Willie “Big Eyes” Smith. 2009 bauð forseti Blues Foundation í Bandaríkjunum, Patricia Morgan, Dóra að spila á tveimur hátíðum vestanhafs með Willie Smith, Bob Stroger, Bob Margolin og Pinetop. Dóri spilaði með þeim á Helena Blues and Heritage Festival í Arkansas, sem áður var vel þekkt sem King Biscuit Festival og á Pinetop Homecoming Festival á Hopson plantekrunni í Mississippi þar sem Pinetop Perkins ólst upp.
Guðmundur Pétursson var valinn heiðursfélagi Blúsfélags Reykjavíkur 2011. GP er listamaður sem vart þarf að kynna, því árum saman hefur hann verið í metum sem einn besti gítarleikari landsins. 2008 sendi hann frá sér plötuna Ologies. Honum til halds og trausts þar eru m.a. Matthías Hemstock trommu- og slagverksleikari, Hrafnkell Orri Egilsson sellóleikari og Styrmir Hauksson hljóðhönnuður. Guðmundur semur alla tónlist sem er undir margvíslegum áhrifum úr heimi rokk, jazz, blús, kvikmynda-, heimstónlistar og óhefðbundinnar tónlistar.
Jón Ólafsson bassaleikari á að baki langan og farsælan feril í tónlistinni, allt frá því að hann var í Töturum. Hann hefur spilað með fjölda hljómsveita meðal annars: Pelican, Start og Vinum Dóra. Jón er listamaður.Blúskvöld Blúsfélags Reykjavíkur mánudaginn 3. desember á Kaffi Rósenberg
Tregasveitin og Blússveit Reykjavíkur leika.
Blúsfélag Reykjavíkur hefur haldið úti blúskvöldum fyrsta mánudag í hverjum mánuði frá 2008. Mætum öll á blúskvöldin okkar og tökum einhvern með sem hefur ekki komi áður.
í sveitinni eru sem áður
Pétur Tyrfingsson söngvari og gítarleikari,
Sigurður Sigurðsson söngvari og munnhörpuleikari,
Guðmundur Pétursson gítarleikari,
Stefán Ingólfsson bassaleikari og
Jón Borgar Loftsson trommuleikari.
Að þessu sinnni mun Sigurður Guðmundsson, öðru nafni
Siggi Hjálmur leika á Hammond orgel.
Blússveit Reykjavíkur skipuð Pálma Steingrímssyni (söngur og kassagítar), Sigurði Sigurðssyni (munnharpa), Tyrfingi Þórarinssyni (gítar), Gunnlaugi Má Péturssyni (gítar), Birni Loga Þórarinssyni (bassi) og Hreiðari Júlíussyni (trommur).
Björgvin er heiðursfélagi Blúsfélags Reykjavíkur
Þann 22 – 25 nóvember næstkomandi mun heljarinnar blúsveisla eiga sér stað á Gamla Gauknum í Reykjavík. Hér er á ferðinni afbragðsviðburður úr smiðju blúsgítarhetjunnar Björgvins Gíslasonar og Gamla Gauksins.
Það verður ekki einungis frábærir tónleikar í boði því einnig verður soulfood grill á boðstólnum, blúsbíó, gítarsmíði, græjukynning og fræðsla.
Forsala á hátíðina fer fram á Miði.is og kostar armbandið einungis 2000kr. Armbönd verða seld við inngang á hátíðinni á 2900kr en stök kvöld kosta 1500kr
Hægt verður að gæða sér á Soulfood matargerð og horfa á blúsmyndir. Gunnar Örn gítarsmiður mun kynna sitt fag, handtökin og íslenska gítarmagnarann Redwing. Ásgeir Helgi mun kynna Pedal Project verkefnið sitt sem er eigin framleiðsla á gítarfetlum sem eru effectar notaðir í tónlistarflutning.
19:00 – Húsið opnar: Soulfood grill, græjukynning og blúsbíó
21:00 – Bjöggi Gísla & Hljómsveit
22:00 – Magnús Eiríksson & Þórir Baldursson
FÖSTUDAGUR
19:00 – Húsið opnar: Soulfood grill, græjukynning og blúsbíó
21:00 – Bubbi Morthens & Bjöggi Gísla
22:00 – Guðgeir Blúsari & Hljómsveit
23:00 – Mood
00:00 – Hans Blues & Boogie
01:00 – Vintage Caravan
02:00 – Síðasti séns
LAUGARDAGUR
19:00 – Húsið opnar: Soulfood grill, græjukynning og blúsbíó
21:00 – Blússveit Þollýjar
22:00 – Strákarnir hans Sævars
23:00 – 3B
00:00 – Beebee & The Bluebirds
01:00 – Pollock brothers
02:00 – Blúsdjamm
SUNNUDAGUR
19:00 – Húsið opnar: Soulfood grill, græjukynning og blúsbíó
21:00 – Blágresi
21:45 – Dúettinn Víglundur
22:30 – Beggi Morthens & Hljómsveit
23:30 – Lame Dudes
00:15 – Bjöggi Gísla & Hljómsveit
UPPLÝSINGAR UM LISTAMENN í STAFRÓFSRÖÐ
BEEBEE AND THE BLUEBIRDS
Hljómsveitin spilar blöndu af blús, jazz og soul tónlist. Hljómsveitin hefur verið starfandi í 2 ár og er nú að fara að gefa út sína fyrstu breiðskífu eftir áramót.
BeeBee and the bluebirds hafa komið fram á hinum ýmsu Blúshátíðum og þar má helst nefna Reykjavík Bluesfestival og Norden Bluesfestival.
Brynhildur I. Oddsdóttir – Söngur/gítar
Hjörtur Stephensen – Gítar
Brynjar Páll Björnsson – Bassi
Tómas Jónsson – Hammond/Rhodes
Magnús Örn Magnússon – Trommur
http://www.facebook.com/
http://soundcloud.com/
BERGÞÓR MORTHENS & HLJÓMSVEIT
Beggi Morthens er þekktur fyrir þátt sinn í hljómsveitunum Egó, GCD og MX21 með frænda sínum og uppeldisbróður, Bubba Morthens. Þorleifur Guðjónsson lék einnig með þeim frændum í Egó og MX21 á bassa. Sigfús Óttarsson hefur trommað með ótal sveitum á borð við Mannakorn, Hljóma og Jagúar. Ólafía Hrönn hefur sungið og leikið sig inn í hjörtu landsmanna um langt skeið og er einnig trommuleikari hljómsveitarinnar Heimilistónar. Kailash – andlegt ferðalag
Bergþór Morthens – gítar
Þorleifur Guðjónsson – bassi
Sigfús Örn Óttarsson – trommur
Ólafía Hrönn Jónsdóttir – söngur
BJÖRGVIN GÍSLASON & HLJÓMSVEIT
Bjöggi Gísla hefur í áratugi mundað gítarinn með vinsælum hljómsveitum, listamönnum og sem sólólistamaður. Björgvin er talinn með betri gítarleikurum sem Ísland hefur alið af sér og hefur blúsinn verið fyrirferðamikill á ferlinum. Björgvin mun koma fram með hljómsveit sinni og galdra fram stemmingu af festu og getu manna sem hafa auðgað tónlistarframlag Íslandssögunnar með miklum bravúr.
Björgvin Gíslason – gítar / rödd
Ásgeir Óskarsson – trommur
Haraldur Þorsteinsson – bassi
Sigurður Sigurðsson – munnharpa
Tómas Jónsson – hljómborð
BLÁGRESI
Hljómsveitin er hugarfóstur Einars Más og Leifs, en þeir höfðu oft rætt um samstarf, og hófst það loks fyrir alvöru sumarið 2009, í hópinn bættust Daníel og Tinna, og hljómsveitin Blágresi varð til. Segja mætti að í lögum sveitarinnar sameinist ritsnilli Einars “folk” skotinni tónlistinni, og úr verður nýstárleg þjóðlagatónlist.
Tinna Marína Jónsdóttir – Söngur
Daníel Auðunsson – Gítar og Söngur
Leifur Björnsson – Gítar og Söngur
BLÚSSVEIT ÞOLLÝJAR
Hljómsveitin hefur starfað um nokkurra ára skeið og flytur sveitin rokkaðan gospelblús. Tveir meðlimir hljómsveitarinnar hafa starfað áður í þungarokkssveitum – þeir Magnús Axel gítarleikara sem áður lék m.a. í Bismarck og þungarokkssveitinni Þjófum og Jonni Richter bassaleikari sem er ýmsum kunnur fyrir leik sinn meðal annars í hljómsveitunum Exizt, Stálfélaginu og Árblik. Þollý, söngkona sveitarinnar, hefur síðan sungið jöfnum höndum bæði jazz, blús og gospel. Blússveitin hefur spilað á ýmsum blúshátíðum og komið fram á fjölda tónleika og á síðasta ári sendi sveitin frá sér sinn fyrsta geisladisk – My dying bed – sem hefur fengið frábærar viðtökur og er nú nánast uppseldur.
Þollý Rósmunds – söngur
Magnús Axel Hansen – rafgítar
Jonni Richter – rafbassi
Benjamín Ingi Böðvarsson – trommur
https://www.facebook.com/
BLÚSÞRJÓTAR
Blúsþrjótar munu einblína á íslenskan blús og munu þeir vera á þjóðlegum nótum á hátíðinni.
Guðmundur Pálsson, gítar og söngur
Kristinn Ólafsson, gítar, söngur, munnharpa
Örvar Aðalsteinsson, kontrabassi og söngur
Örn Arnarson, gítar og söngur
Ævar Aðalsteinsson, banjó og söngur
BUBBI MORTHENS
Bubbi Morthens hefur haft blúsinn í fórum sínum allt frá því hann samdi Ísbjarnarblúsinn árið 1974. Á ferli sínum hefur hann blúsað í bland við aðrar tónlistarstefnur og strauma og unnið með stórum hópi tónlistarmanna af ýmsum toga. Bubbi og Bjöggi Gísla léku saman í Blúshundunum sem spiluðu nokkra tónleika 1987 og Blámakvartettinum þar sem Bubbi var gestur kvöldsins á tónleikum árið 1990.
DÚETTINN VÍGLUNDUR
Hrafnhildur er Húnvetningur en lærði blús- og djasssöng hjá Tinu Palmer í FÍH einn vetur og hefur troðið upp hér og þar frá unga aldri. Þormóður er Snæfellingur og hefur verið gítarleikari í fleiri en 18 ár. Útgefið efni Þormóðs er t.d. Hundslappadrífa, Ert’úr sveit ’98 og Tíu vetra ’04, einnig sólódiskurinn Sunnudagur í rútunni ’02.
Þormóður Símonarson – gítar
Hrafnhildur Ýr Víglundsdóttir – söngur
GUÐGEIR BLÚSARI & HLJÓMSVEIT
Guðgeir Björnsson er gítarleikari og söngvari fæddur 1954 á Egilsstöðum. Hann spilað blús í mörg ár og með eigin hljómsveit frá 2002. Hljómsveitin hefur spilað á Austur- og Norðurlandi og í Sortland í Noregi.
Guðgeir Björnsson – gítar / söngur
Valgeir Skúlason – trommur
Jón Ingi Arngrímsson – bassi
Helgi Georgsson – hljómborð.
HANS BLUES & BOOGIE (GER)
Hann kemur frá Þýskalandi og hefur verið á faraldsfæti í fjöldamörg ár með gítarinn á bakinu að spila blús víðsvegar um heiminn. Hans heimsótti Ísland árið 1987 þegar hann kom hér við í tónleikaferð sinni um Evrópu og lék á nokkrum tónleikum á norðurlandi. Hans hefur gefið út fjöldan allan af plötum og helgað lífi sínum blúsnum hvort sem það er að flytja tónlistina eða kenna blúsfræðin.
LAME DUDES
Hljómsveitin hefur verið starfandi í rúmlega 7 ár og leikur blús og fjölbreytta blúskennda tónlist af hjartans list. Hljómsveitin gaf út geisladiskinn “Hversdagsbláminn” í apríl 2011 þar sem stiklað er á stórum og smáum tregafullum vandamálum einstaklinga, þar sem ekkert mannlegt er hljómsvetinni heilagt! Hljómsveitin er að vinna í lögum fyrir aðra skífu “einfaldir vafningar” en er áætlað að sá diskur komi út á fyrri hluta ársins 2013. Lame Dudes hafa tekið virkan þátt í vikulegum blúskvöldum Blúsfélags Reykjavíkur og komið fram nokkrum sinnum á Blúshátíð Reykjavíkur, auk þess að halda fjölmarga tónleika víðsvegar í Reykjavík.
Hannes Birgir Hjálmarsson – söngur og gítar
Snorri Björn Arnarson – gítar
Kolbeinn Reginsson – trommur
Jakob Viðar Guðmundsson – bassi
Friðþjófur Johnson – munnharpa
http://www.facebook.com/
http://
http://www.youtube.com/
MAGNÚS EIRÍKSSON
Landsþekkti lagasmiðurinn hefur átt sterka hefð í blúsnum og þá sérstaklega með tríóinu sínu Blues Company sem lék reglulega á blúskvöldum kringum 1970 á skemmtistaðnum Klúbbnum. Á efnisskránni voru t.d. lög með Cream og John Mayall & The Bluesbreakers. Blúskompaníið tók nokkrum mannabreytingum í gegnum árin og var til að mynda Karl Sighvatsson orgelleikari í bandinu fram að hinstu stund. Magnús hefur að undanförnu leikið með hljómsveit sinni Mannakorn ásamt Pálma Gunnarssyni bassaleikara og söngvara sem einnig lék með Blúskompaníinu.
MOOD
Hljómsveitin er með elstu starfandi blúsböndum á Íslandi í dag. Sveitin spilar
eigið efni í bland við gamla blússlagara.
Bergþór Smári – gítar/söngur
Friðrik Geirdal Júlíusson – trommur
Ingi Skúlason – bassi
Tómas Jónsson – hljómborð
POLLOCK BROTHERS
Bræðurnir Danny og Michael Pollock komu eins og stormur inn í tónlistarsenuna með hljómsveitinni Utangarðsmenn. Síðan starfræktu þeir hljómsveitina Bodies og hafa spilað saman um árabil blússkotna og þjóðlagakennda tóna. Nýverið gáfu þeir út The Pollock Brothers EP.
http://
SÍÐASTI SÉNS
Hljómsveitin hefur starfað frá árinu 2005. Sveitin spilar hressilegt blúsrokk í bland við tregafullar
blúsballöður. Markmið sveitarinnar er að skemmta sjálfri sér og öðrum og taka lífinu ekki of alvarlega.
Jens Einarsson – Rafgítar/Slide og söngur
Þórir Ólafsson – Bassi
Friðrik Jónsson – Rafgítar
Oddur Finnbogi Sigurbjörnsson – Trommur
Gestaspilarar: Sigurður Sigurðarson og Kristinn Ólafsson – munnharpa
SKÚLI MENNSKI ÁSAMT ÞUNGRI BYRÐI
Skúli mennski hefur undarfarin fjögur ár eða svo reynt að gera sig breiðan í íslensku tónlistarsenunni. Hann hefur meðal annars komið fram á Aldrei fór ég suður, Gærunni, Melodica acoustic festival, Við Djúpið, Norden blues festival í Rangárvallasýslu og verið iðinn við tónleikahald um allt land við góðan orðstír. Tónlist Skúla má jafnan lýsa sem blússkotinni popp og sveitatónlist. Hann hefur gefið út plöturnar Skúli mennski og hljómsveitin Grjót með samnefndri hljómsveit, Búgí! og nú í nóvember er væntanleg platan Blúsinn í fangið sem Skúli mennski tók upp ásamt Þungri byrði á Flateyri í ágúst síðastliðnum. Blúsinn í fangið inniheldur ellefu frumsamin blúslög með íslenskum textum. Þessi lög verða leikin af gleði og innlifun á Blúshátíð Bjögga Gísla.
Hjörtur Stephensen gítar
Kristinn Gauti Einarsson trommur
Skúli mennski söngur og gítar
Tómas Jónsson píanó og rhodes
Valdimar Olgeirsson bassi
Þorleifur Gaukur Davíðsson munnharpa
STRÁKARNIR HANS SÆVARS
Sveitin var stofnuð árið 1997 og var fyrst hugsuð sem einskonar útrásar band fyrir okkur og stóð aldrei til að spila obinberlega.
Sveitin spilaði í fyrstu rock í bland við blues og alla aðra tónlist sem veiti okkur ánægju enda var það meginn tilgangur bandsinns að hafa gaman að og fá útrás fyrir tónlistar sköpun okkar.
Eftir um 10 ár í skúrnum var þó slegið til við spiluðum á góðgerðar tónleikum á Grand rock cafe en þá uppgvötuðum við að við höfðum gleymt að nefna bandið svo að við fórum aftur í skúrinn og eftir mikllar vanga veltur og spekúlasjónir komum við aftur fram á blúshátíð Reykjavíkur 2010 undir nafinu „ Strákarnir hans Sævars „ bandið hafði þá tekið skarpa begju í átt að blúsnum
Og hefur stefnan verið nokkuð föst mótuð síðan. Bandið spilar nánast eingöngu blús í dag þó slæðast með eitt og eitt rock lag á stundum. Snemma þessa árs ákvað Sævar Árnason að segja skilið við bandið enda maður marg bandaður en aðrir meðlimir hafa allir verið með frá upphafi .
Ástþór Hlöðversson = Söngur og bassi
Gunnar Örn Sigurðson = Gítar
Steinar B Helgason = Trommur
http://www.facebook.com/
THE VINTAGE CARAVAN
The Vintage Caravan er rokk tríó sem spilar músík af gamla skólanum. Hljómsveitin hefur verið ansi virk og vakið mikla athygli síðan hún hóf störf. Allir meðlimir hljómsveitarinnar eru 18 ára gamlir. Fyrsta plata hljómsveitarinnar kom út í apríl árið 2011 og voru útgáfutónleikar á Aldrei fór ég suður þegar þeir enduðu hátíðina. Hljómsveitin hefur vakið athygli fyrir spilamennsku og sviðsframkomu á hátíðum eins og Iceland Airwaves, Gæran, Aldrei Fór Ég Suður og Besta Útihátíðin. Gítarsóló, poncho, kögurvesti, líflegir spunakaflar og hrynpar (trommur og bassi) sem heldur öllu gangandi er einkennandi fyrir hljómsveitina. The Vintage Caravan leggur metnað sinn í kröftuga sviðsframkomu, fatastíl í anda tónlistarinnar og grípandi lög með áhrifum frá hljómsveitum eins og Cream, Led Zeppelin, Jimi Hendrix Experience, Deep Purple og The Who svo eitthvað sé nefnt. The Vintage Caravan spilar einungis frumsamið efni. Bandið var tilnefnt sem “Bjartasta vonin” á Íslensku tónlistarverðlaununum fyrr á árinu og sigruðu hljómsveitakeppnina Global Battle Of The Bands á Íslandi og munu keppa fyrir Íslands hönd í desember í London. Nýverið gaf hljómsveitin út aðra plötu sína sem ber heitið Voyage.
Óskar Log Ágústsson – Gítar og söngur
Guðjón Reynisson – Trommur og slagverk
Alexander Örn Númason – Bassi
https://www.facebook.com/
ÞÓRIR BALDURSSON
Þórir Baldursson var farinn að spila opinerlega á harmónikku með föður sínum, aðeins sjö ára gamall. Síðan þá hefur hann leikið fram á þennan dag með helstu tónlistarmönnum á Íslandi og mörgum erlendum stórstjörnum. Í Bandaríkjunum bjó Þórir í White Plains og spilaði R&B með þeldökkum og lifði og hrærðist í þeirra umhverfi og lærði af þeim blúsinn. Þórir hefur einnig verið afkastamikill í útsetningum og kennslu en einna helst er hann þekktur fyrir ástríðu sína á Hammond orgelinu sem hann er manna færastur á landinu í dag.
3B (Bitter Blues Band)
Hljómsveitin var stofnuð á haustdögum 2008 af Atla Viðari Jónssyni og hefur hún starfað með stuttum hléum þó, síðan þá. Hér eru saman komnir reynsluboltar sem hafa það sjálfum sér og öðrum til gamans að markmiði, að spila kröftuga blústónlist. Meðlimir hafa meðal annars starfað með Tívolí, Þrumuvagninum, Exizt, Borgís, Alfa Beta, Stefáni P, Hafrót, Örnum, Cabarett, Haukum og Cirkus.
Eiður Örn Eiðsson söngur/munnharpa
Atli Viðar Jónsson gítar
Sævar Árnason gítar
Pétur Hjálmarsson bassi
Ingólfur Sigurðsson trommur
https://www.facebook.com/
Blúskvöld Blúsfélags Reykjavíkur mánudaginn 5. nóv á Rósenberg. Afmælis blúsdjamm helstu blúsarar landsins mæta og taka lagið þetta verður að venju rosalegt kvöld. Þeir sem vilja taka þátt skrifið okkur á blues@blues.is
Our monthly Blues Night at Rosenberg 21 pm november 5th.
Tónleikar til heiðurs Stevie Ray Vaughan verða haldnir á Rosenberg miðvikudaginn 3. október á afmælisdegi meistarans.
Hljómsveitin Tvöföld vandræði ásamt góðum gestum tekst á við helstu lög gítarsnillingsins.
Smári Tarfur opnar kvöldið með kassagítarinn að vopni
Sérstakir gestir: Páll Rósinkranz og Matthías Stefánsson
Tvöföld vandræði:
Hjörtur Stephensen gítar
Friðrik Júlíusson trommur
Ingi S. Skúlason bassi
Bergþór Smári söngur/gítar
Blúskvöld Blúsfélags Reykjavíkur mánudaginn 1. okt á Rósenberg stundvíslega kl 21. Halldór Bragason, Birgir Baldursson, Þorleifur Gaukur, Tryggvi Hubner Róbert Þórhallsson, Skúli Mennski.
Blúskvöldin verða fyrsta mánudaginn í hverjum mánuði á Rósenberg í vetur.
Once a month we meet on the first monday of the month . blues night 1th october at Rosenberg 9pm
Grana Louise, sem er án efa ein af bestu blússöngkonum í Chicago, en þar er hún búsett. Hún syngur með Blue Ice Band (Íslenska landsliðið í blúsnum) á laugardagskvöldinu í Hvolnum kl. 21:00. Blúsfélagið Hekla hefur endurvakið Norden Blues Festival, blúshátíðina sem fór undir ösku í eldgosunum 2010.
Á hátíðinni um hvítasunnuhelgina koma fram tvær skærar blússtjörnur frá Chicago og bestu blústónlistarmenn landsins. Tónleikar hátíðarinnar fara fram á Hvoli Hvolsvelli föstudaginn 25. maí og laugardaginn 26. maí næstkomandi og hefjast kl. 21:00 bæði kvöldin.
Föstudagskvöldið 25. maí: Katherine Davis & Blue Ice Band, Stone Stones, Síðasti Séns og Tryggvi á Heiði. Hápunktur föstudagskvöldsins er Katherine Davis, ein virtasta og vinsælasta blússöngkona Chicagoborgar og þá er nú mikið sagt. Katherine hefur komið fram á fjölda virtra blúshátíða, bæði í Bandaríkjunum, Evrópu og Asíu. Hún kemur fram með íslensku blúshljómsveitinni Blue Ice Band sem leikið hefur með fjölda heimsþekktra blústónlistarmanna, hérlendis sem erlendis, nú síðast á Blúshátíðinni í Reykjavík um páskana með John Primer og Michael Burks. Fremstir meðal jafningja í Blue Ice Band eru þeir Halldór Bragason og Guðmundur Pétursson, en þeir kunna blúsinn upp á sína tíu fingur.
Stone Stones er kraftmikil „power blúshljómsveit“ sem vakið hefur mikla athygli á undanförnum árum fyrir frábæran flutning og tjáningu. Síðasta haust kom sveitin fram á blúshátiðinni í Odda í Noregi og var talin skærasta ljós þeirrar hátíðar. Hljómsveitin var stofnuð sérstaklega fyrir Norden Blues Festivalið 2009. Síðasti Séns er hljómsveit „ættuð“ af Suðurlandi. Sveitin er þekkt í íslenska blúsheiminum fyrir frábæran flutning á blústónlist og höfðar til blúsáhugafólks í víðum skilningi. Þó svo að hljómsveitin sé þekkt fyrir að vera jafnvíg á flestar tegundir dægurtónlistar, þá verður hún í blúsgírnum þetta kvöld. Fremstur meðal jafningja er skeiðamaðurinn, söngvarinn og gítarleikarinn Jens Einarsson. Tryggvi á Heiði er innansveitar blúsmaður, bóndi og lífskúnstner. Tryggvi spilar og syngur deltablúsinn á næman en kraftmikinn hátt.
Laugardagskvöldið 26. maí: Grana Louise, Tregasveitin, Castro og Stone Stones. Góð vinkona íslenskra blúsunnenda verður í aðalhlutverki á laugardagskvöldið, Grana Louise sem kom fram á fyrstu hátíðinni árið 2009. Hún er hörku blúsdífa frá Chicago en þar í borg kemur hún vikulega fram á tónleikum. Grana segist ekki hafa gleymt stemningunni í Hvolnum þegar hún var hér síðast og lofar hún eftirminnilegum tónleikum í ár. Grana Louise er afskaplega fjölhæf, sögð einhver kraftmesta blússöngkona samtímans sem einnig ræður við að túlka silkimjúka og viðkvæma blúsa. Grana Louise kemur fram með Blue Ice Band.
Hin goðsagnakennda Tregasveit átti frábæra endurkomu á Blúshátíðinni í Reykjavík um páskana og þeir lofa ekki síðri tónleikum á Hvolsvelli. Þeir feðgar Pétur Tyrfingsson og Guðmundur Pétursson leiða hljómsveitina sem var leiðandi í blúslífi Íslendinga um árabil.
Castro er blúshljómsveit sem samanstendur af þroskuðu fólki sem kemur saman og spilar fyrir ánægjuna af spilamennskunni. Þau flytja jöfnum höndum eigið efni svo og lög eftir meistara blússögunnar. Tónleikarnir hefjast klukkan 21:00 bæði kvöldin. Miðaverð er kr. 3000 fyrir hvort kvöld. Miðaverð ef keyptir eru miðar fyrir bæði kvöldin er samtals 5000 kr.
Michael Burks lést í gær hann var að koma frá Evrópu hann fékk hjartaáfall á flugvellinum í Atlanta. Blúsheimurinn er harmi slegin yfir þessum fréttum. Innilegar samúðarkveðjur til aðstandenda og vina. Hann var aðalgestur Blúshátíðar í Reykjavík 2012 fyrir mánuði síðan.
Michael Burks sem kallaður var „Iron Man“ var kraftmikill blús-rokk gítarleikari sem skaust upp á blússtjörnuhimininn þegar Alligator Records gáfu út hans fyrstu plötu árið 2001. Síðan þá hefur hann vakið athygli á tónleikum og blúshátíðum víða um heim fyrir frábæran tónlistarflutning og líflega sviðsframkomu.