Thrill is gone

Blússtemmurnar snerta okkur hér og þar í sálinni og vekja upp ólík geðhrif. Þau eru mörg falleg blúðskvæðin en harla ólík eins og fegurðin sjálf. Hið fagra er ekki alltaf þægilegt og hið ágengilega hrjúfa ekki alltaf ljótt. Í allri list eru mörk milli þess sem er ekta og einlægt á eina hliðina og vúlgar og væmið á hinn bóginn. Listamönnum tekst best upp þegar þeir teygja sig til þessara marka og snilldin felst í því að komast alla leiðina að mörkunum án þess að fara yfir þau. Þar liggur munurinn á einlægni og tilgerð.

img140

B.B. King

 

Í blús eru klassísk kvæði sem reyna á þessi mörk milli tilgerðar og væmni annars vegar og einlægni af þeirri gerð sem djúpar sálir einar búa yfir. Líklega er Thrill is gone frægast söngva af þessu tagi. Söngur kóngsins sjálfs – B.B. King. Hér er á ferðinni blús í moll sem býður uppá hræðilegt klúður ef menn kunna ekki með hann að fara. Sjálfur er ég þeirrar skoðunar að engin ætti að syngja blús um annað en sjálfan sig í moll… segja tregafulla sögu um sjálfan sig.

[Tengill: Hér syngur B.B. King „Thrill is gone“]

Thrill is gone er löngu orðinn „slagari“… eitt af þessum „lögum“ sem eru á dagskrá hjá fjórðu hverju blúsbandi. En það er bara einn og einn sem ræður við að syngja og spila Thrill is gone. Ég hef kannað blús og hlustað á óteljandi hljómplötur í meir en fjörutíu ár. Ég hef aldrei heyrt neinn koma Thrill is gone til skila með geðhrifum nema B.B. King sjálfan og… Luther Allison.

allison_1

Luther Allison

[Tengill: Hér syngur Luther Allison „Thrill is gone“ – reyndar ekki í bestu útgáfu en eina sem ég fann á netinu.]

Michael-Burks

Michael Burks

Og þá komum við að því. Þegar við hlustum á músík hlustum við eftir einhverju. Það er hægt að hlusta eftir hrynjandi – grúvinu. Það er hægt að hlusta eftir söng og sérkennilegum „fraseringum“. Einnig má hlusta eftir melódískri lýrik í hljóðfæraleik. Og þannig má lengi telja…. Mig langaði til að minnast Michael Burks sem heimsótti okkur á Blúshátíð í fyrra og skildi eftir sig einn magnaðasta blúskonsert á Íslandi. Fann Thrill is gone…. Það sem heyrnin mín rak í rogastans yfir við þessa hlustun á Thrill is gone hjá Michael Burks – sem eins og sjá má er eins og hver önnur rútína – er hið fullkomna vald sem hann hefur á gítarnum… sem verður eins og – eða kannski er? – eitt af hans eigin líffærum. Hrein unun á að hlusta.

[Tengill: Hér er Michael Burks að kveða Thrill is gone. Heyrið framhjá hljómgæðum!]

King1

B.B. King náði snemma þroska í blús… rétt eins og Muddy Waters. Báðir eiga það þó sameiginlegt að performansin varð alltaf betri og betri eftir því sem þeir eltust. Thrill is gone er svo stórfenglegt kvæði að B.B. King skilaði því aldrei betur en gamall maður… hann þarf ekki margar nótur til að segja sitt….

[Tengill: Hér er gamli maðurinn að flytja okkur Thrill is gone… enginn leikur það eftir!]

Guitar Shorty – Seint koma sumir en koma þó!

Blúshátíð Reykjavíkur verður haldin 23. til 28. mars. Einsog alltaf sækja okkur heim góðfúsugestir. Miðvikudaginn 27. mars fáum við að sjá og heyra Guitar Shorty á Hótel Nordica. Allir þeir sem njóta þess að heyra blússkáldin kveða og vita fátt sælukenndara en horfa á þau kveða stemmurnar á sviði sveipuð ljósum mega alls ekki fyrir nokkurn mun missa af þessum tónleikum. Guitar Shorty er holdtekja og persónugervingur alls þess sem við viljum einmitt fá að sjá á sviði. Upprunalegur blúsmaður….. Hefðin lifandi komin….. Verðugur fulltrúi þeirra sem þráast við að fremja blús áratugum saman ónæmir fyrir því sem kemur og fer í móðinn….. og því einn af þeim sem drifin er áfram af ástríðunni og spilagleðinni einni saman. Saga hans er um það vitnisburður og megum við ekki af þessu missa.

guitar-shorty-iv

Sögur af blúsmönnum

Blúsmaður er nefndur Guitar Shorty. Hann er skráður David William Kearney í opinbera þjóðskrá og fæddur 8. september 1939 í bænum Houston í Texas.

Eitt af því merkilega og skemmtilega í blússögunni er að hver blúsmaður á sér eins konar goðsagnarkenndan uppruna. Fyrir sögunni er alltaf einhver flugufótur í staðreyndunum en með tímanum hefur hún tekið á sig fast form – rétt eins og hið endalausa blúskvæði var soðið niður í þriggja mínútna stemmu þegar sungið var fyrir grammófón. Sagan af uppruna blúsmannsins Guitar Shorty hefur hið klassíska form allra slíkra sagna og er einhvern veginn svona…..

David er fæddur í Houston í Texas. Foreldrar hans slitu samvistum. Ólst upp með móður sinni fram eftir aldri í Kissimmee í Flórída. Móðurbróðir hans bjó á heimilinu og spilaði á gítar. Stalst litli snáðinn í hljóðfærið sem falið var undir rúmi og rogaðist við að spila þó hann væri svo lítill að hann gat ekki haldið á honum og höndin gat ekki gripið um hálsinn. Þetta kostaði grát og gnístran tanna. Svo sterk var löngunin til gígjunnar. Stríð barnsins var að æra móðurina sem krafðist þess að frændinn kenndi honum gripin. Og piltur var fljótur að læra og duglegur að æfa sig. David var ekki nema 17 ára þegar hann hóf að spila með The Walter Johnson Orchestra sem var 18-manna hljómsveit. Kvöld eitt var auglýst að Guitar Shorty væri mættur í bæinn og kæmi fram með orkestrunni og þóttu það mikil tíðindi. Einhverjar sögur fóru af þessum manni sem hét með réttu John Henry Fotescue (1923-1976) og hafði hljóðritað í gömlum stíl og kvað með hárri röddu. David kveið fyrir gigginu og æfði sig heil ósköp alla vikuna. Þegar kom að stóru stundinni uppgötvaði drengurinn að þetta var ekkert nema hrekkur. Hin stórkostlegi Guitar Shorty sem allir biðu með öndina í hálsinum eftir að fá að sjá og heyra var enginn en annar en hann sjálfur! Hefur nafnið Guitar Shorty loðað við hann uppfrá því.

Svona sögur eru skemmtilegar og klassískt þema í blúskúltúrnum. Þarna er litli fátæki drengurinn – gjarnan munaðarlaus eða frá hnjöskuðu heimili. Þarna er dularfullur eða ónefndur lærimeistari… gjarnan tengdur fjölskyldunni eða farandmúsíkant á leið um sveitina. Og þarna er líka augnablikið sem gerir blúsmanninn alveg hreint sérstakan og sér á báti. Robert Johnson hvarf á braut viðvaningur, lærði galdurinn í einhverjum óbyggðum og sneri aftur brilljant snillingur. Sagður hafa samið við andskotann. Augnablik Guitar Shorty er ekki sveipað slíkri dulúð – það felst einfaldlega í því að heimamenn bjuggu til stjörnu úr gítarstráknum sínum og gáfu honum nafn. Guitar Shorty. Svo hrifnir voru þeir af honum!

Þriðja kynslóðin…..

Guitar Shorty er af sömu kynslóð og þeir blúsmenn sem komu framá sjónarsviðið í Chicago um miðjan sjötta áratuginn og eru nú menn heilagir – Freddie King (f.’34), Otis Rush (f.’35), Buddy Guy (f.’36) og Magic Sam (f.’37). Allt voru þetta strákar sem göfguðu rafgítarinn svo að nú eru þetta magískir gripir sem enginn snertir nema með fullri lotningu, sungu af miklum sálarkrafti og stóðu stoltir á sviðinu, höfðu í frammi sprell og jafnvel akróbatík. Sem var þá ekki til siðs og þótti mikil sensasjón. Nýstárleg tjáning hins stolta blökkumanns.

Guitar Shorty var kannski aðeins of seinn á ferð til að verða súperstjarna meðal blússkáldanna seint á sjöunda áratugnum og þeim áttunda. Kannski starfaði hann á óheppilegu landsvæði. Ef til vill var markaðurinn mettur. Hver veit? Hitt vitum við að Guitar Shorty stóð altént í dyragættinni. Hann var ekki nema 18 ára þegar sjálfur Willie Dixon fékk hann til að hljóðrita fyrir Cobra-fyrirtækið 1957. Það hafði Otis Rush gert og hlotið mikla frægð – upptökur hans eru legendarí. Fyrirtæki þetta fór á hausinn og reyndar skall myrkur á útgáfu blústónlistar um þetta leyti. Rokkið stal senunni og meðal þeldökkra naut sól meiri hylli en blús sem þótti músik gamla fólksins. Svo rammt kvað að þessu að ungir blökkumenn trúðu því að blús væri músik fortíðarinnar og undirlægjunnar og höfðu sumir hreina skömm á honum. Þeir áttuðu sig ekkert á að þarna var á ferð dýrmæt kveðskaparhefð sem varðveitti í senn minni kúgunar og persónulegrar uppreisnar.

Guitar Shorty í New Orleans

Hvað um það…. Punkturinn er sá að hver sem er kom ekki til greina hjá Cobra og heldur ekki hjá Willie Dixon. Aðeins hæfileikamenn sem stóðu uppúr fengu slík tækifæri. Guitar Shorty var einn þeirra árið 1957 og hefði því allt eins getað orðið einn af þeim sem áttu plötur í betri partíum á 8. áratugnum og jafnvel staðið á stórum sviðum sitt hvoru meginn við 1970 kætandi bleiknefja ungmenni í tugþúsundatali. Einsog áðurnefndir helgir menn. Guitar Shorty hlaut enga landsfrægð eftir upptökurnar hjá Cobra. Hann fékk þó vinnu útá plöturnar. Guitar Shorty átti þess kost að starfa í New Orleans og leika í hljómsveit hins goðsagnarkennda Eddy „Guitar Slim“ Jones (1926-1959). Það var ævintýri líkast að spila og rúnta með þeim manni. Samhliða því að spila í sveit Guitar Slim leiddi Guitar Shorty sína eigin sveit sem var meðal þjónustufólks í því merkilega húsi Dew Drop Inn í New Orleans og spilaði undir hjá mönnum eins og T-Bone Walker, Big Joe Turner og Little Richard þegar þeir áttu leið um jassborgina. [Sjá hér vefsíðu um Dew Drop Inn í New Orelans]

!B9Vcbzw!mk~$(KGrHqJ,!lEEy+jC)JD(BM5cw8Updg~~0_35

Frá New Orleans til Kaliforníu og Kanada

Guitar Shorty var ekki allskostar ánægður í New Orleans þegar á leið og ekki sáttur í hljómsveit Guitar Slim. Leiðtoginn var erfiður og forfallaðist gjarnan vegna drykkjuskapar. Þarf þá að redda málum og bjarga slysum sem mönnum leiðist til lengdar. Guitar Shorty greip því tækifærið og tók boði að ganga til liðs við hljómsveit Sam Cooke 19 ára gamall og fór á tvo túra þar til hljómsveitin leystist upp. Þar með var Guitar Shorty komin til vesturstrandar Bandaríkjanna. Nú fékk Guitar Shorty annað tækifæri til ljósvakafrægðar þegar Pull Records í Los Angeles gáfu út þrjár smáskífur með honum árið 1959. Ekki leiddu þessar skífur til opinbers frama. Sem fyrr var Guitar Shorty þó ekki atvinnulaus. Hann rak eigin hljómsveit og spilaði á vesturströndinni og uppí Kanada og vildi helst setjast að í Vancouver uppúr 1960.

Önnur flökkusaga

Fyrstu árin eftir 1960 spilaði Guitar Shorty hér og þar og meðal annars í Seattle. Segir sagan að þar hafi hann hitt konu sem hét Marcia sem hann kvæntist og átti með dóttur. Marcia þessi var stjúpsystir Jimi Hendrix. Og gerast nú flökkusögur safaríkar og misvísandi. Ein útgáfan er að Jimi hafi heyrt og séð Guitar Shorty spila og syngja og tileinkað sér einhver trix. Varla getur það verið því Hendrix var farinn að spila sjálfur í hljómsveitum 1959 og farinn frá Seattle vorið 1962 spilandi á sinn rafgítar. Hin útgáfan er að Guitar Shorty hafi hitt Jimi Hendrix fyrst þegar sá síðarnefndi kom til Bandaríkjanna frá Bretlandi eftir frægð og frama, vitað öll deili á mági sínum og þakkað honum fyrir ýmis þau gull sem hann átti í kistu sinni.

Hvað skal segja? Ari fróði sagði að hafa skuli það sem sannara reynist. Þegar sögur eru sagðar af blúsmönnum gildir önnur regla: Hafa skal það sem ánægjulegra er að segja frá. Og það er miklu skemmtilegra að ímynda sér að Guitar Shorty – verkamaður í víngarði blúsgyðjunnar harkandi alla daga fjarri frægð og frama – hafi verið einn af þeim sem lagði til humal í þann seið er Jimi Hendrix bruggaði og úr varð rammgöldrótt rokkaról.

jimmy-hendrix-lovers-4131

Blúsinn kemst á markað

Blús komst ekki á markað hvítra manna svo eftir varð tekið í Ameríku og Evrópu fyrr en á sjöunda áratugnum. Sagan segir að telja megi þá menn hvíta á fingrum annarrar handar sem sáu Elmore James syngja og spila. Mikill áhugi vaknaði fyrir hvers konar alþýðutónlist og má rekja þessa ástríðu til róttækniþróunar meðal æskunnar sem hafði skömm á nýlendustefnu, kynþáttakúgun og fátækt í eigin samfélögum. Blúsmenn sem höfðu spilað með hjálp rafmagnsins um marga ára skeið brugðu sér nú í líki sveitamannsins og sungu blúsinn í gömlum stíl. Gamlir og ókunnir menn voru sóttir í sveitina og látnir spila fyrir menningarlega stúdenta. Blúsmenn sem hlotið höfðu stutta og staðbundna frægð en snúið til erfiðsvinnunnar tóku fram hljóðfærin sín að nýju og lögðust í ferðalög. Þessi alda hreif ekki Guitar Shorty með sér – ekki frekar en aðra blúsmenn af hans kynslóð. Þeirra tími rann upp eftir hina svokölluðu „bresku innrás“ í Ameríku. Rokkarólið úrkynjaðist í Bandaríkjunum í rauninni fyrir 1960 og var ekki svipur hjá sjón. Bretar ólu þessa nöðru við brjóst sér og líka blús og spratt upp stórfurðulegt menningarfyrirbæri á miðjum sjöunda áratugnum með gríðarlegum fjölda hljómsveita og undraverðri nýsköpun og könnunarferðum á vegum hryns og hljóða. Og þessi hreyfing ruddist inná markað Bandaríkjanna með The Beatles og Rolling Stones í broddi fylkingar. Amerískir unglingar uppgötvuðu að hin nýja músík átti sér í rauninni uppruna í þeirra eigin bakgarði hjá svörtu þjóðinni. Rann nú upp tími kraftsveita, tröllvaxinna tónleika og útihátíða. Í öllum þessum hávaða frá lokum sjöund áratugsins og fram eftir þeim áttunda fengu margir blúsmenn tækifæri til að spila fyrir gríðarlegan fjölda áheyrenda við hlið rokkstjarnanna eða í kjölfari þeirra. Ekki þarf að koma á óvart að þeir sem þarna máttu njóta sín voru aðeins þeir sem höfðu þegar komist í fremstu röð á markaði í sjálfum blúsheiminum. Því miður fyrir Guitar Shorty þá var hann ekki í þeim hópi.

„Við gefumst aldrei upp þótt móti blási!“

Frá því seint á sjöunda áratugnum og fram á miðjan áttunda áratuginn var músíkin aukastarf fyrir Guitar Shorty sem aflaði sér viðurværis með því að gera við bíla. Hann var ekkert einsdæmi að þessu leiti. Markaðurinn var þröngur og kjörin kröpp fyrir blúsmenn þegar sólið réði lögum og lofum. Menn gátu ekki unnið fyrir sér með blús nema í örfáum borgum þar sem þeir höfðu þá fyrir löngu getið sér gott orð og áttu trygga aðdáendur.

Síðla á áttunda áratugnum freistaði Guitar Shorty þess að hafa músíkina að aðalatvinnu að nýju. Fólkið sem hafði heyrt í blússtjörnunum á stórum tónleikum með rokkstjörnum ýmist augliti til auglitis eða af hljómplötum hafði áhuga á að heyra slíkan blús á samkomustöðum og klúbbum vítt og breytt um Bandaríkin – þó ekki væri hér um neinn stóriðnað að ræða. Smám saman treysti Guitar Shorty sig í sessi á nokkrum árum og gaf út plötu 1985 hjá Olive Branch Records sem nefnd var On the Rampage.

600x600

Útúr sortanum

Alla tíð hefur verið mikil hjálp í því fyrir blúsmenn að halda til Evrópu og skemmta fólki þar. Oftar en ekki hefur það ýmist veitt þeim ómælda ánægju þar sem þeim hefur verið tekið opnum örmum. Og stundum hefur Evrópuferð skapað mönnum betri kjör heima í Ameríku. Guitar Shorty hélt í fyrsta skipti í tónleikaferð til Bretlands 1991. Þá var blúskreis á Íslandi eins og við munum og reyndar nokkur gróska í útgáfu og endurútgáfu blústónlistar. Guitar Shorty hljóðritaði í þessari tónleikaferð plötuna My Way or the Highway fyrir JSP-fyrirtækið sem meðal annars gaf út fáeinar sæmilegar plötur með Buddy Guy.

51I6th6IcJL._SL500_SS500_

Viti menn! Guitar Shorty fékk verðlaun sem kennd eru við W.C.Handy fyrir My Way or the Higway og fengu þá hljómplötufyrirtæki í Bandaríkjunum áhuga. Frægðin kemur að utan segir einhvers staðar. Guitar Shorty samdi nú við Black Top í New Orleans sem gaf út þónokkrar blúsplötur á síðasta áratug aldarinnar. Topsy Turvy kom út 1993 með nokkrum nýjum lögum en einnig lögum sem Guitar Shorty hafði hljóðritað áður 1959. Hann gaf út tvær plötur í viðbót hjá Black Top – Get Wise to Yourself (1995) og Roll Over, Baby (1998).

Mér datt það í hug þegar ég var að hlusta á Roll Over Baby um daginn að líklega er hægt að skipta blúsröddum í einhverja flokka eða tegundir. Hér er ekki um eftiröpun að ræða þvers og krus heldur meðfædda eðliseiginleika. Albert King var til dæmis með dæmigerða rödd og Michael Burks heitinn sem heimsótti okkur á síðasta ári bjó yfir söngrödd af sama tagi. B.B. King hefur aðra tegund af rödd og ég heyri ekki betur á Roll Over Baby en Guitar Shorty sé með áþekka rödd. Reyndar eru raddirnar svo líkar að margir gætu ruglað þeim saman og haldið að þarna væri sjálfur kóngurinn á ferð ef þeir ættu að hafa upp getsakir um hver væri þar að kveða blús.

Guitar Shorty - Topsy Turvy (Front)66666666666

Kominn í fremstu röð

Black Top fór á hausinn með brambolti eins og allir vita og Guitar Shorty gaf út plötu 2001 hjá Evidence sem heitir I Go Wild! Þar er framleiðslan ekki endilega mér að skapi. Á þessum tíma var Robert Cray orðinn býsna ráðsettur og One & Only Man hljómar líkt og Robert Cray pródúksjón. Sossum ekkert verra fyrir vikið. Sýnir bara að karl getur spilað það sem verkast vill.

Þó fyrr hefði verið! Árið 2004 samdi Guitar Shorty við Alligator Records. Þetta forlag Bruce Igauer hefur lifað af allt frá því seint á áttunda áratugnum þegar það var stofnað nánast til þess að koma Hound Dog Taylor á framfæri. Úr þeirri fabrikku hafa komið þrjár plötur frá Guitar Shorty – Watch Your Back (2004), We the People (2006) og loks Bare Knuckles (2010). Tvær fyrrnefndu plöturnar komust í 10. og 11. sæti Billboard-listans yfir bestu blúsplöturnar þau árin. We the People fékk býsna góða dóma á sínum tíma. Ég tók mig saman í eyrunum og hlustaði á þessa plötu um daginn í rólegheitunum. Satt best að segja þá stendur hún fyllilega undir þeim fögru orðum sem um hana voru höfð á sínum tíma.

l53830-1

Hver er þá komin í bæinn til að spila og syngja fyrir okkur?

Já, hver er þá mættur á staðin? Einhver eftirherma, eða… Nei. Guitar Shorty hefur spilað blús og ekkert annað frá því um miðan sjötta áratuginn. Hann er af þriðju kynslóðinni. Hann komst vissulega ekki á markaðinn strax á sjöunda og áttunda áratugnum… en skilaði sér af fjalli á síðasta áratug tuttugustu aldarinnar. Harkaði og þráaðist við að spila án frægðar í áratugi. Það er bara gleðin sem drífur soleiðis menn áfram.

Tenglar á nokkur klipp

Hér er hinn upprunalegi Guitar Shorty öðru nafni John Henry Fortescue (1923-1976).

Guitar Slim – Things that I used to do

Hér segir Buddy Guy frá Guitar Slim… En Guitar Shorty spilaði með honum um skeið. Gaurinn var stílsmiður á sinn hátt og fyrirmynd þriðju kynslóðarinnar í blús.

It‘s too late af My Way or the Highway (1991)

Mean Husband Blues af Topsy Turvy (1993)

Smells Good af Get Wise to Yourself (1995)

Roll over baby af Roll Over Baby (1998)

Fine Cadillac af I Go Wilde! (2001)

I‘m gonna leave you af Watch Your Back (2004)

What Good is Life? af We the People (2006)

True Lies af Bare Knuckles (2010)

Guitar Shorty – Fine Cadillac

Hvað segir í kvæðinu? One of these days… I’m gonna show you how nice a man can be! I’m gonna buy you a brand new Cadillac… if you only speak some nice words about me.

Af einhverjum ástæðum hafa menn sem dedúa við klassískar bifreiðir bónaðar tekið ástfóstri við Blúshátíð Reykjavíkur. Kannski ekki undarlegt. Rannsóknir hafa leitt í ljós að blús mun vera sú músik sem fólki þykir best henta geðslaginu þegar aka skal bifreið um langan veg. Og þetta árið kemur Guitar Shorty í bæinn. Það fer gjarnan saman að vera blúsmaður frá Texas, hafa dálæti á höttum og kunna vel við sig í kádiljákum.

Guitar Shorty - Fine Cadillac

Guitar Shorty – Fine Cadillac

[Þetta var lítil prufa til að gá hvort ég geri ekki allt saman rétt… Það er von á einhverjum skrifum næstu daga. PT]

Uppfærð dagskrá Blúshátíð í Reykjavík 2013

blushatid_midi

Blúshátíð í Reykjavík 2013 verður haldin 23. til 28. mars. Aðalgestir hátíðarinnar í ár verða hjónin Lucky og Tamara Peterson og goðsögnin Guitar Shorty.

Lucky Peterson er ein helsta stórstjarna blússins um þessar mundir og Tamara Peterson er einstaklega fær blússöngkona með hjartað á réttum stað. Guitar Shorty er lifandi goðsögn, blúsmaður af gamla skólanum.

Blúshátíð í Reykjavík hefst laugardaginn 23. mars, með Blúsdegi í miðborginni og uppákomum í Hörpu kl. 14 – 17. Blúsbelgir, Blúshundar, akstur Blúsvagna Krúserklúbbs Reykjavíkur bílasýning www.kruser.is . Blúsgjörningur ársins , tilkynnt um heiðursfélaga Blúsfélags Reykjavíkur 2013 og hátíðin sett !!
Allt getur gerst. Tónleikar á Rósenberg um kvöldið. Urmull óvæntra atriða alla hátíðina.
Þrennir stórtónleikar verða 26. 27.& 28. mars á Hilton Reykjavík Nordica, þriðjudags-, miðvikudags- og fimmtudagskvöld, skírdag.

Miðasala Midi.is

Klúbbur Blúshátíðar er starfræktur á hótelinu eftir tónleika og þar getur allt gerst.

Lucky012

Þriðjudag 26. mars kl. 20 – Hilton Reykjavík Nordica
Lucky og Tamara Peterson. Þessi stórkostlega blúshjón fara létt með að trylla gesti Blúshátíðar í Reykjavík í ár. Lucky hefur blúsinn í blóðinu og sönginn í hjartanu gaf út sína fyrstu plötu fimm ára gamall og hefur síðan ekki slegið slöku við. Tamara er blússöngkona eins og þær gerast bestar! Þau koma fram með The Blue Ice Band. Á tónleikunum kemur einnig sveitin Skúli Mennski og Þung byrði sem nýverið gáfu út blúsplötu . Beebee and the Bluebirds kynna efni af væntanlegri plötu.

 

guitar-shorty1Miðvikudagur 27. mars kl. 20 – Hilton Reykjavík Nordica
Guitar Shorty
er lifandi goðsögn. Hann er fyrrum gítarleikari Willie Dixon, Sam Cooke og Ray Charles. Guitar Shorty er einn af virtustu og vinsælustu blúsmönnum heims, margverðlaunaður og hefur spilað með flestum stórstjörnum blústónlistarinnar frá upphafi, þ.á.m. mági sínum Jimi Hendrix, Muddy
Waters, Koko Taylor, Johnny Winter, Albert King, Junior Wells og James Cotton. Guitar Shorty kemur fram með The Blue Ice Band.,

Stone Stones og Marel Blues Project hita upp  hljómsveitin er skipuð starfsmönnum Marels  og hefur spilað víða um lönd á vegum fyrirtækisins.

 

Blúsbandið Stone Stones var stofnað árið 2009 fyrir Norden Blues Festival sem haldin er árlega á Hvolsvelli, síðan þá hefur margt runnið til sjávar og eru strákarnir orðnir vel að sér í spilamennsku. Stone Stones hafa komið við á hinum og þessum blúshátíðum um landið og Oddablues í Odda, Noregi. Sveitin er með á efniskránni bæði frumsamda blúsa og blúsperlur vestanhafs. Sveitina skipa Hróðmar á gítar og söng, Steinn Daði á trommur, Birgir á bassa og Arnar Kári á gítar. Sveitin hefur ávallt vakið mikla athygli á tónleikum sínum fyrir líflega sviðsframkomu og einlægni í tónum og tali.

Fimmtudag 28. mars, skírdag kl. 20 – Hilton Reykjavík Nordica
10 ára afmælishátíð Blúshátíðar í Reykjavík
, :Andrea Gylfa, Vinir Dóra, Ragnheiður Gröndal, Björn Thoroddssen, Sigurður Sigurðsson , Mike Pollock, Ásgeir Óskarsson, Langi Seli og Skuggarnir ,Sigurður “Kentár “SigurðssonBerglind Björk Jónasdóttir, Pétur Tyrfingsson og fjöldi annarra lætur blúsljós sitt skína.allt það besta í íslenskum blús!

Fleiri atriði eiga eftir að bætast við

Blúsmiðinn
Handhafi Blúsmiðans hefur aðang að öllum þremur tónleikunum sem haldnir verða á Hilton Reykjavík Nordica. Takmarkað magn Blúsmiða er í boði.

Blúshátíð í Reykjavík hefst laugardaginn 23. mars, með Blúsdegi í miðborginni og uppákomum í Hörpu kl. 14 – 17. Tónleikar á Rósenberg um kvöldið. Urmull óvæntra atriða alla hátíðadagana.

Miðasala www.midi.is

 


Eins og undanfarin ár aðeins er tekin frá borð fyrir matargesti VOX. Veitingahúsið VOX á Hilton Reykjavík Nordica ætlar að bjóða uppá sérstakan matseðil í tilefni Blúshátiðar.Matargestir VOX fá frátekin borð á tónleikunum kl 20 um kvöldið.VOX restaurant / bistro – Hilton Reykjavik Nordica – Suðurlandsbraut 2

Sími: 444 5050 – vox@vox.is

http://www.reykjavik.nordica.hilton.com

http://www.vox.is

 

Fleiri atriði eiga eftir að bætast við

Hátíðin er styrkt af Reykjavíkurborg

vefbordi

Guitar Shorty kemur á Blúshátíð .

Guitar Shorty kemur á Blúshátíð skemmtileg lög með honum

Tryggðu þér miða á midi.is

Guitar Shorty er lifandi goðsögn. Hann er fyrrum gítarleikari Willie Dixon, Sam Cooke og Ray Charles. Guitar Shorty er einn af virtustu og vinsælustu blúsmönnum heims, margverðlaunaður og hefur spilað með flestum stórstjörnum blústónlistarinnar frá upphafi, þ.á.m. mági sínum Jimi Hendrix, Muddy Waters, Koko Taylor, Johnny Winter, Albert King, Junior Wells og James Cotton.


Við gerum heiminn betri með blús

Við gerum heiminn betri með blús.

Það söfnuðust 160.000 kr á síðasta samfélagslega ábyrgu blúskvöldi. Fulltrúar frá Blúsfélagi Reykjavíkur  og tónlistarmenn afhentu í dag Þóru Þórarinsdóttir framkvæmdastjóra Ás styrktarfélags lítið skjal til minja og kynntust starfinu..

Blusfelag-As

Frá vinstri Sigurður Sigurðsson munnhörpuleikari, Halldór Bragason formaður Blúsfélags Reykjavíkur, Þóra Þórarinsdóttir framkvæmdastjóri Ás styrktarfélag, Þorsteinn G. Gunnarsson meðstjórnandi Blúsfélags Reykjavíkur og Þorleifur Gaukur sem afhenti skjalið.

Blússveit Jonna Ólafs, Skúli Mennski og co, Halldór Bragason, Gaukur og Siggi Sig með munnhörpudúett, Dirty Deal Blues band, Brimlar,Lame Dudes og fleiri komu fram. Þökkum öllum sem lögðu þessu lið.

Ás styrktarfélag  er sjálfseignarstofnun og hefur í gegnum árin komið á fót umfangsmiklum rekstri. Þá hefur félagið notið velvilja og hafa einstaklingar, félagasamtök og fyrirtæki átt drjúgan þátt í að styðja félagið til vaxtar. Í dag veitir Ás styrktarfélag  hátt á þriðja hundrað manns þjónustu í formi búsetu, dagþjónustu og vinnu. Starfsmenn félagsins eru um. 212 í rúmlega 131 stöðugildi.

Í mars 2001 urðu tímamót í sögu félagsins þegar undirritaður var þjónustusamningur milli félagsmálaráðuneytisins, Svæðisskrifstofu málefna fatlaðra í Reykjavík og Áss styrktarfélags. Þessi samningur skiptir höfuðmáli fyrir rekstur félagsins. Von er bundin við að í framtíðinni geti félagið haldið áfram að stuðla að frekari uppbyggingu í málaflokknum með sjálfsaflafé sem það aflar af sölu happdrættismiða, jóla- og minningarkorta, gjöfum frá fyrirtækjum og styrktaraðilum, auk félagsgjalda frá félagsmönnum sem nú eru yfir 800 á skrá. Stuðningur við félagið er því mikilvægur til þess að það geti stuðlað að öflugu uppbyggingastarfi í málaflokknum.

Ás styrktarfélag er í góðu samstarfi við helstu þjónustuaðila. Meðal annars tekur það þátt í samstarfshópum Velferðasviðs Reykjavíkur um atvinnu- og búsetumál fatlaðra í Reykjavík. Félagið er aðili að og á fulltrúa hjá Landssamtökunum Þroskahjálp, Öryrkjabandalagi Íslands og stjórn Skálatúnsheimilisins og Fræðslu fyrir Fatlaða og Aðstandendur (FFA) en það er samstarfsteymi. Sjálfsbjargar og Styrktarfélags lamaðra og fatlaðra og Þroskahjálpar.

Sjálfboðaliðar Blúshátíðar. Það vantar alltaf fleiri blúshendur við. Gerum heiminn betri með blús.

Sjálfboðaliðar Blúshátíðar. Það vantar alltaf fleiri blúshendur við gerum heiminn betri með blús. Vertu með í liðinu á Blúshátíð í Reykjavík 2013 ..

Hér tökum við á móti skráningum frá þeim sem vilja leggja sitt af mörkum til hátíðarinnar með því að gerast sjálfboðaliðar.

Sjálfboðaliðar Blúshátíðar eru margir og sinna alls konar afar skemmtilegum störfum.

Öllum sem lagt hafa okkur lið eru færðar hjartans þakkir fyrir óeigingjarnt framlag og fórnfúst starf á undanförnum árum.

Það vantar alltaf fleiri blúshendur! Jákvæðni ,bjartsýni, gaman er fyrir vini eða vinkonur að koma saman í þetta.

Sendið okkur línu á blues@blues.is og við verðum í bandi

Nafn:

Aldur:

Netfang:

Sími:

Um mig:

blues_poster_2013_web

Plakat Blúshátíðar 2013 eftir Jón Ingiberg Jónsteinsson

Plakat Blúshátíðar 2013 eftir Jón Ingiberg Jónsteinsson

Plakat Blúshátíðar 2013 að venju eftir snillinginn Jón Ingiberg Jónsteinsson fleiri verk hans eru að finna á www.joningiberg.com . Hægt er að hlaða niður og prenta út og hengja upp sem víðast í vinnunni, kaffistofum, blússkýlum,Bátaskýlum, bílskúrnum, þvottahúsinu og þar sem ykkur dettur í huga að hjálpa til . Við gerum heiminn betri með blús.

 Ýtið hér    Blueshatid_2013_a4_print

blues_poster_2013_web

Blúshátíð í Reykjavík 2013 verður haldin 23. til 28. mars. Aðalgestir hátíðarinnar í ár verða hjónin Lucky og Tamara Peterson og goðsögnin Guitar Shorty.

Lucky012

Blúshátíð í Reykjavík 2013 verður haldin 23. til 28. mars. Aðalgestir hátíðarinnar í ár verða hjónin Lucky og Tamara Peterson og goðsögnin Guitar Shorty.

Lucky Peterson er ein helsta stórstjarna blússins um þessar mundir og Tamara Peterson er einstaklega fær blússöngkona með hjartað á réttum stað. Guitar Shorty er lifandi goðsögn, blúsmaður af gamla skólanum.
Þrennir stórtónleikar verða á Hilton Reykjavík Nordica, þriðjudags-, miðvikudags- og fimmtudagskvöld, skírdag. Klúbbur Blúshátíðar er starfræktur á hótelinu eftir tónleika og þar getur allt gerst.

Miðasala http://midi.is/tonleikar/1/7476

Klúbbur Blúshátíðar er starfræktur á hótelinu eftir tónleika og þar getur allt gerst.

Þriðjudag 26. mars kl. 20 – Hilton Reykjavík Nordica
Lucky og Tamara Peterson. Þessi stórkostlega blúshjón fara létt með að trylla gesti Blúshátíðar í Reykjavík í ár. Lucky hefur blúsinn í blóðinu og sönginn í hjartanu gaf út sína fyrstu plötu fimm ára gamall og hefur síðan ekki slegið slöku við. Tamara er blússöngkona eins og þær gerast bestar! Þau koma fram með The Blue Ice Band. Á tónleikunum kemur einnig sveitin Skúli Mennski og Þung byrði sem nýverið gáfu út blúsplötu auk annara efnilegra blúsmanna og blúskvenna.

guitar-shorty1Miðvikudag 27. mars kl. 20 – Hilton Reykjavík Nordica
Guitar Shorty
er lifandi goðsögn. Hann er fyrrum gítarleikari Willie Dixon, Sam Cooke og Ray Charles. Guitar Shorty er einn af virtustu og vinsælustu blúsmönnum heims, margverðlaunaður og hefur spilað með flestum stórstjörnum blústónlistarinnar frá upphafi, þ.á.m. mági sínum Jimi Hendrix, Muddy
Waters, Koko Taylor, Johnny Winter, Albert King, Junior Wells og James Cotton. Guitar Shorty kemur fram með The Blue Ice Band. Stone Stones og Marel Blues Project hita upp  hljómsveitin er skipuð starfsmönnum Marels  og hefur spilað víða um lönd á vegum fyrirtækisins.

Fimmtudag 28. mars, skírdag kl. 20 – Hilton Reykjavík Nordica
10 ára afmælishátíð Blúshátíðar í Reykjavík
, allt það besta í íslenskum blús:Andrea Gylfa, Vinir Dóra, Ragnheiður Gröndal, Björn Thoroddssen, Sigurður Sigurðsson , Mike Pollock, Ásgeir Óskarsson, Langi Seli og Skuggarnir ,Sigurður Sigurðsson og fjöldi annarra lætur blúsljós sitt skína.

Fleiri atriði eiga eftir að bætast við

Blúsmiðinn
Handhafi Blúsmiðans hefur aðang að öllum þremur tónleikunum sem haldnir verða á Hilton Reykjavík Nordica. Takmarkað magn Blúsmiða er í boði.

Blúshátíð í Reykjavík hefst laugardaginn 23. mars, með Blúsdegi í miðborginni og uppákomum í Hörpu kl. 14 – 17. Tónleikar á Rósenberg um kvöldið. Urmull óvæntra atriða alla hátíðadagana.

Miðasala www.midi.is

 


Eins og undanfarin ár aðeins er tekin frá borð fyrir matargesti VOX. Veitingahúsið VOX á Hilton Reykjavík Nordica ætlar að bjóða uppá sérstakan matseðil í tilefni Blúshátiðar.Matargestir VOX fá frátekin borð á tónleikunum kl 20 um kvöldið.VOX restaurant / bistro – Hilton Reykjavik Nordica – Suðurlandsbraut 2

Sími: 444 5050 – vox@vox.is

http://www.reykjavik.nordica.hilton.com

http://www.vox.is